“တောင်းရမ်းမှုမှ ရှောင်ကြဉ်ခြင်း”

စောင်ဗာန် (ရဿွိ ယလ္လာဟု အန်ဟု) သခင် ဆင့်ပြန် ခဲ့သည်။တမန် တော်မြတ် (ဆွလ္လလ္လာဟု အလိုင်ဟိ ၀စလ္လာမ်) အမိန့်တော်ရှိသည်မှာ …

အကြင် သူသည် မည်သူ တစ်ဦး တစ်ယောက် ထံမှ တောင်းရမ်းမှု မပြု ပါမည့် အကြောင်း ငါ ကိုယ်တော်အား ကတိ ပြုခဲ့လျှင် ထို သူ ဂျန္နသ် ရရှိရေး အတွက် ငါ ကိုယ်တော် တာဝန် ယူရန် အသင့် ရှိလေသည်။(အဟ်မဒ်၊ နစအီ နှင့် အိဗ်နေ မာဂျဟ် ကျမ်းများ)
……….

ဟကီမ် ဗင်န် ခုရ်ရာမ် (ရဿွိ ယလ္လာဟု အန်ဟု) သခင် ဆင့်ပြန် ခဲ့သည်။တမန် တော်မြတ် (ဆွလ္လလ္လာဟု အလိုင်ဟိ ၀စလ္လာမ်) အမိန့်တော် ရှိသည်မှာ …

ပေးကမ်းသူ ၏ လက်သည် တောင်းရမ်းသူ၏ လက်ထက် သာမြတ် ပေ၏။ အကြင် သူသည် တင်းတိမ် ရောင့်ရဲ မှုကို ရယူလို ပါလျှင် အလ္လာဟ် (စွဗ်ဟာနဟူ ၀သအာလာ) သည် ထိုသူအား တင်းတိမ် ရောင့်ရဲသူ တစ်ဦး ဖြစ်စေတော် မူ၏။ အကြင် သူသည် လူတို့ထံ တောင်းရမ်း ခြင်းမှ လွတ်ကင်း ပါလျှင် အလ္လာဟ် (စွဗ်ဟာနဟူ ၀သအာလာ) သည် ထိုသူ့အား လိုလား တောင်းတမှု ကင်းမဲ့သူ သူကြွယ် တစ်ဦး ဖြစ်စေ လိုက်၏။

(ဗုခါရီ နှင့် မွတ်စ်လင်မ် ကျမ်း)
……….

အဗူ ဟုရိုင်ရဟ် (ရဿွိ ယလ္လာဟု အန်ဟု) သခင် ဆင့်ပြန် ခဲ့သည်။တမန် တော်မြတ် (ဆွလ္လလ္လာဟု အလိုင်ဟိ ၀စလ္လာမ်) အမိန့်တော် ရှိသည်မှာ …

ချမ်းသာ ကြွယ်ဝ ခြင်းသည် ဥစ္စာ ပစ္စည်း ပေါ်၌သာ မူတည်သည် မဟုတ်ပေ။ ချမ်းသာ ကြွယ်ဝ ခြင်းသည် စိတ်နှလုံးသား နှင့် သက်ဆိုင် ပေ၏။

(ဗုခါရီ နှင့် မွတ်စ်လင်မ် ကျမ်း)
…………

အဗ်ဒုလ္လာဟ် ဗင်န် မတ်စ်အူးဒ် (ရဿွိ ယလ္လာဟု အန်ဟု) သခင် ဆင့်ပြန် ခဲ့သည်။တမန် တော်မြတ် (ဆွလ္လလ္လာဟု အလိုင်ဟိ ၀စလ္လာမ်) အမိန့်တော် ရှိသည်မှာ …

အကြင် သူ တစ်ဦး တစ်ယောက် သည် ကြပ်တည်းမှု တစ်စုံ တစ်ရာ နှင့် ရင်ဆိုင် ရ၍ လူတို့ထံ တောင်းရမ်းမှု စတင်ပြီ ဆိုလျှင် ထိုသူ၏ ကြပ်တည်းမှု သည် မည်သည့် အခါမျှ ပျောက်ကွယ် တော့မည် မဟုတ်ပေ။ ထို့နောက် အကြင် သူသည် အလ္လာဟ် (စွဗ်ဟာနဟူ ၀သအာလာ) ထံတော် ပါး၌ တောင်းခံ ခဲ့ပါလျှင် အလ္လာဟ် (စွဗ်ဟာနဟူ ၀သအာလာ) ချက်ချင်း (သို့) အချိန် အနည်းငယ် နှောင်းစေ၍ သော်လည်းကောင်း စားနှပ် ရိက္ခာ ချီးမြှင့်တော် မူလိမ့်မည် ဖြစ်၏။

(အဗူ ဒါဝူးဒ်ကျမ်း)

Advertisements
Posted in အထူးကဏ္ဍ, ဆောင်းပါး | Leave a comment

နဗီတမန်တော်ဆွာလေ့ဟ် (အလိုင်ဟိစွလာမ်) အကြောင်း

တမန်တော် ဆွာလေ့ဟ် (အလိုင်ဟိစ္စလာမ်) ၏ဖခင်အမည်မှာ အဗီးဒ်ဟုခေါ်ပါသည်။ တမန်တော်၏ မျိုးရိုးစဉ်ဆက်နှင့် ပတ်သက်ပြီး သာသနာ့သမိုင်းပညာရှင်များအကြား အကွဲအလွဲရှိပါသည်။

တမန်တော်ဆွာလေ့ဟ် (အလိုင်ဟိစ္စလာမ်) ၏ ခန္နာကိုယ်အရောင်အဆင်းမှာ အဖြူပေါ် အနီရောင်သမ်းသည်။ ဦးခေါင်းရှိဆံပင် များမှာ   ဖြောင့်တန်းစွာ ရှိ၏။ ဖိနပ်စီးခြင်း မပြုဘဲ သွားတော်မူလေ့ရှိသည်။ ဗလီဝတ်ကျောင်းတော်မှအပ အခြားမည်သည့်နေရာမှ စခန်းချနေ ထိုင်ရန် သတ်မှတ်ခြင်း မပြုခဲ့ပေ။

တမန်တော်ဟူးဒ် (အလိုင်ဟိစ္စလာမ်) ၏ နောက်နှစ်ပေါင်း (၁၀၀) အကြာတွင် နဗီအဖြစ် တင်မြှောက်ခြင်းခံခဲ့ရပြီး စမူးဒ်အမျိုးအနွယ်တို့အား “ဒါအ်ဝါ” လမ်းမှန် တရားဖိတ်ခေါ် မှုပြုရန် နဗီအဖြစ်စေလွှတ်ခြင်းခံရလေသည်။

ထိုအချိန်အခါက စမူးဒ်အမျိုးအနွယ်တို့သည် “ဟေဂျာဇ်” ဆော်ဒီအာရေဗျ” နှင့် (ရှားမ်) (ဆီးရီးယားနိုင်ငံ) အကြား (၁၈) မိုင်ပတ်ဝန်းကျင် အထိ ကျယ်ပြန့်လျှက်ရှိသော (ဝါဒီအတ်လ်ကိုရာ) အမည်ရှိ နယ်မြေဒေသတွင် နေထိုင်ခဲ့ကြ၏။ စမူးဒ်မျိုးနွယ်တို့သည် သံဖြင့် ရုတ်တု တစ်ခုပြု လုပ် ထားကာ ၄င်းရုပ်တုအား “စဂ်ျဒါ” ဦးချလေ့ရှိခဲ့ကြသည်။ ထို့အပြင် ၄င်းရုပ်ထုအား မိမိတို့၏ ခဝပ်ကိုးကွယ် ထိုက်သောအရှင်အဖြစ် မှတ်ယူလျက်ရှိခဲ့ကြသည်။ တမန်တော်ဆွာလေ့ဟ် (အလိုင်ဟိစ္စလာမ်) သည် စမူးဒ်အမျိုးသားများအား ကြိမ်ဖန်များစွာ အလ္လာဟ် အရှင်မြတ် အပေါ် အီမာန်သက်ဝင်ယုံကြည်ကြရန် “ဒါအ်ဝါ” ပေးဖိတ်ခေါ်ခဲ့သည်။ သို့သော်လည်း ယင်းဖိတ်ခေါ်မှုကို လက်မခံခဲ့ကြချေ။

စမူးဒ်အမျိုးသားများမှ ခေါင်းဆောင်အချို့သည် တမန်တော်ဆွာလေ့ဟ် (အလိုင်ဟိစ္စလာမ်) အား “အသင်သည် အမှန်တကယ် နဗီဖြစ်ခဲ့သော် ဤမာကျောသော ကျောက်ဆောင်အတွင်းမှ ဇီးရှိသော ကုလားအုပ်မ တစ်ကောင်ထုတ်ပေးပြီး၊ ကျွန်ုပ်တို့၏ရှေ့ မှောက်၌ပင် သားမွေးပြ ရမည်” ဟု တောင်းဆိုကြသည်။ ထိုအခါ တမန်တော်ဆွာလေ့ဟ် (အလိုင်ဟိစ္စလာမ်) သည် ချက်ခြင်းပင် အရှင့်ထံ စဂ်ျဒါဦးချကာ ဒိုအာဆုပန်ခဲ့လေသည်။ ထိုအခါ စမူးဒ်ခေါင်းဆောင်များ လမ်းညွှန်ပြခဲ့သော ကျောက်ဆောင်ကြီးသည် မိမိတည်နေရာတွင်လှုပ်လျက် အက်ကွဲ လာပြီး၊ ၄င်းအတွင်းမှ ကုလားအုပ်မတစ်ကောင် ပေါ်ထွက်လာကာ၊ စမူးဒ်ခေါင်းဆောင်တို့ ရှေ့မှောက်တွင် ဒူးထောက်ထိုင်ချကာ သားဖွားပြခဲ့သည်။ ထို့နောက် စားကျက်ကွင်းရှိရာ ကွင်းပြသို့ လျှောက်သွားလေသည်။ မွေးကင်းစ ကုလားအုပ် ကလေးမှာလည်း နောက်မှ လိုက်ပါသွားခဲ့လေသည်။

ထိုအချင်းအရာကို မြင်တွေ့ကြရသော စမူးဒ်အမျိုးသားများသည် အလွန်အံ့အားသင့်ခဲ့ ကြပြီး အစုလိုက်အပြုံလိုက် အီမာန်သက်ဝင် ယုံကြည်ခဲ့ကြသည်။ တစ်နေ့နှင့် တစ်ညတာ၌ထောင်ပေါင်းများစွာသော သူတို့ အီမာန်လက်ခံခဲ့ကြသည်။ သို့သော်လည်း နောက်တစ်နေ့ မိုးလင်းလာသည့်အခါ အီမာန်သက်ဝင်ယုံကြည်ခြင်းကို ငြင်းဆန်ခဲ့ကြလေသည်။ ဤတစ်ကြိမ်၌ “စမူးဒ်” အမျိုးသားများ၏ ငြင်းဆန်မှုသည် ပို၍ဆိုးရွားလာခဲ့၏။ ထိုအခါတမန်တော်ဆွာလေ့ဟ် (အလိုင်ဟိစ္စလာမ်) က စမူးဒ်အမျိုးသားများအား “အသင်တို့သည် အီမာန်သက်ဝင် ယုံကြည်မှု ကို ပြန်လည်စွန့်လွှတ်ကြသည်။ သို့ရှိရာ အသင်တို့သည် အရှင်မြတ်၏ ကုလားအုပ်မအား ဖျက်ဆီးနှောက်ယှက်ခြင်း မပြုကြလေနှင့်။ ထိုကုလားအုပ်မအား ကမ္ဘာမြေပေါ်တွင် သွားလာလှုပ်ရှား နေထိုင်စားသောက်ရန် လွှတ်ထား ကြလေကုန်” ဟုမိန့်ကြားတော် မူခဲ့လေသည်။

ဤသို့ဖြင့် တမန်တော်ဆွာလေ့ဟ် (အလိုင်ဟိစ္စလာမ်) သည် မိမိ၏အမျိုးသားများနှင့် နှစ်ပေါင်း (၂၀) တိုင်တိုင် နေထိုင်တော်မူခဲ့သည်။ ထိုအတောအတွင်း တမန်တော်ဆွာလေ့ဟ် (အလိုင်ဟိစ္စလာမ်) သည် အလ္လာဟ်အရှင်မြတ်၏ ကုလားအုပ်မနှင့် စမူးဒ်အမျိုးသားများ၏ ကျွဲနွားတိရစ္ဆာန်များအတွက် ရေကန်မှ ရေသောက်သုံးရန် အလှည့်ကျစနစ်ကို သီးခြားသတ်မှတ်ပေးတော်မူခဲ့လေသည်။ စမူးဒ်အမျိုးသား များအတွင်းမှ ဆိုးသွမ်းသူ (၉) ဦးတို့သည် အလ္လာဟ်၏ ကုလားအုပ်မအား သတ်ဖြတ်ရန် သဘောတူညီခဲ့ကြသည်။ “ ကဒါရ် (အဖေ) ဆာလစ်ဖ်” အမည်ရှိသူယုတ်မာသည် ရဗီအွတ်လ်စာနီ (၁၄) ရက်နေ့တွင် ကုလားအုပ်မအား လည်လှီးသတ်ဖြတ်ပြီး၊ အသားကို   ကြော်၍စားကြလေသည်။

ကုလားအုပ်မ၏ သားငယ်သည် ၄င်းမိခင်အား လည်လှီးသတ်ဖြတ်နေသည်ကို တွေ့မြင်လေရာ ထိုနေရာမှ လှည့်၍ထွက်ပြေးသွား ကာ တောင်တစ်တောင်၏ ထိပ်ပေါ်သို့တက်သွားလေသည်။ စမူးဒ်အမျိုးသားများသည် ကုလားအုပ်မ၏ သားကို ဖမ်းဆီးရန် လိုက် လာခဲ့ကြသည်။ ကုလားအုပ်ငယ်ရှိသော တောင်ထိပ်ပေါ်သို့ တက်သွား ခဲ့ကြလေသည်။ ထိုသတင်းကို တမန်တော်ဆွာလေ့ဟ် (အလိုင်ဟိ ဟစ္စလာမ်) သိရှိလေရာ အချင်းဖြစ်ပွားရာနေရာသို့ ရောက်ရှိလာသည်။ ကုလားအုပ်မအား သတ်ဖြတ်ထားခြင်းနှင့် ကုလားအုပ်မ၏ သားငယ် မှာ တောင်ထိပ်ပေါ်သို့ တက်ရောက်ခိုလှုံ နေခြင်းကို တွေ့မြင်တော်မူသဖြင့် လွန်စွာ ပူဆွေးဝမ်းနည်းမိခဲ့သည်။ ကုလားအုပ်မ၏ သားငယ် သည်လည်း တမန်တော်ဆွာလေ့ဟ် (အလိုင်ဟိစ္စလာမ်) အားမြင်ပြီး အော်ဟစ်ညည်းငြူကာ မျက်လုံးများမှ မျက်ရည်များ စီးကျသည်အထိ ငိုကြွေးခဲ့သည်။ ထို့နောက် သုံးကြိမ်သုံးခါ အသံပြုဟစ်အော်ခဲ့သည်။

ထိုအခါ ကုလားအုပ်သားငယ်ရပ်နေသော ကျောက်ဆောင်ကြီးသည် တစ်မဟုတ်ချင်း အက်ကွဲကာ ထိုကုလားအုပ်သား ငယ်အား ပျောက် ကွယ်သွားစေခဲ့သည်။ထို့နောက် တမန်တော်ဆွာလေ့ဟ် (အလိုင်ဟိစ္စလာမ်) သည် အီမာန်သက်ဝင် ယုံကြည်သူလေးထောင် (၄၀၀၀) အားမိမိနှင့်အတူ ခေါ်ဆောင်၍ မက္ကာရွှေမြို့တော်ဖက်သို့ ခရီးနှင်ခဲ့လေသည်။ ကျန်ရစ်နေခဲ့သော အမိန့်ဖီဆန်သူ စမူးဒ် အမျိုးသားများကို “အသင်တို့ အဖို့သုံးရက်တာအချိန်ကာလအတွင်း အာဇားဗ် အပြစ်ဒဏ်ကျရောက်မည်” ဟု ပြောဆိုခဲ့လေသည်။ တမန်တော်ဆွာလေ့ဟ် (အလိုင်ဟိစ္စလာမ်) မိန့်ကြားခဲ့သည့်အတိုင်း ကြာသပတေးနေ့တွင် စမူးဒ်အမျိုးသားများ၏ မျက်နှာပြင်များသည် ဝါထိန်သွားခဲ့သည်။

နောက်တစ်နေ့သောကြာနေ့တွင် ၄င်းတို့၏ မျက်နှာပြင် များသည် သွေးများလိမ်းကျံထားသကဲ့သို့ နီရဲသွားခဲ့သည်။ တတိယစနေနေ့တွင် ၄င်းတို့၏ မျာက်နှာပြင်များ မဲနက်သွားခဲ့လေသည်။ ထိုစနေနေ့၌ပင် ကောင်းကင်တမန် ဂျီဗရာအီးလ် (အလိုင်ဟိစ္စလာမ်) ၏ အလွန်ပြင်းထန်၍ တုန်လှုပ်ခြောက်ခြားစရာ ကောင်းသော အော်ဟစ်သံကြီးကြောင့် စမူးဒ်အမျိုးသားများ၏ အသဲများ ကွဲအက်သွားကာ လူကြီးလူငယ်တစ်ဦး မကျန် သေကြေပျက်စီးသွားခဲ့ကြလေသည်။ တမန်တော်ဆွာလေ့ဟ် (အလိုင်ဟိစ္စလာမ်) သည် သက်တော် (၂၈၀) အရွယ်တွင် မက္ကာရွှေမြို့တော်၌ ကွယ်လွန်တော်မူခဲ့ပြီး (ဟဂ်ျရေအဆ်ဝဒ်) အနီးပတ်ဝန်းကျင်၌ မြှုပ်နှံတော်မူခြင်းခံရလေသည်။ အချို့ သောသမိုင်း ပညာရှင်များက တမန်တော်ဆွာလေ့ဟ် (အလိုင်ဟိစ္စလာမ်) သည် သက်တော် (၅၈) နှစ်တွင် ကွယ်လွန်သည်ဟု ဆိုကြလေသည်။

mymmif.com မှ ကူးယူ ဖေါ်ပြသည်။ ….

Posted in တမန်တော်ကဏ္ဍ | Leave a comment

“ဝါဒီအတ်လ်ကိုရာ” ရှိ စမူးဒ်အမျိုးအနွယ်တို့၏ အိမ်များ ….

Image | Posted on by | Leave a comment

ဟဇ်ရသ် မုအာ ၀ိယဟ် သခင်၏ မျိုးနွယ်

ဆီးရီးယား နိုင်ငံရှိ အိုမိုင်ယာ ဗလီ ၀တ်ကျောင်းတော် ပုံ …..
မုအာ ၀ိယဟ် (ရဿွီ ယုလ္လာ အန်ဟု) သခင် သည် အာရေဗီယဟ် ကမ္ဘာ၏ ထင်ရှား ကျော်ကြားသော ကုရိုက်ယှ် အမျိုး အနွယ်ဖွား ဖြစ်၏။ ဤ မျိုးနွယ် သည် ဇာတိဂုဏ် မြင့်မား၏။ ဧည့်ဝတ် ကျေပွန်မှု၊ ရက်ရောမှု တို့တွင် အာရေဗီယဟ် ကမ္ဘာ၏ အခြားသော အနွယ် များထက် သာပို ထင်ရှား၏။
ထို အနွယ် ၏ ထူးမြတ်မှု တစ်ရပ် သည်ကား နှစ် ဘ၀ သခင် ကျေးဇူး တော်ရှင် တမန်တော်မြတ် (ဆွလ္လလ္လာဟု အလိုင်ဟေ့ ၀စလ္လာမ်) ကိုယ်တော် သည် ယင်း အနွယ် ထဲမှ ပင် မီးရှုး သန့်စင် ခဲ့၏။ သခင် သည် ယင်း အနွယ် မှ ထင်ရှား ကျော်ကြားသည့် ဗနူ အူမိုင်ယဟ် အုပ်စု မှ မွေးဖွား ခဲ့၏။ ထိုအုပ်စု သည် ဗနူ ဟာရှင်မ် ပြီးလျှင် ဂုဏ် သရေ အရှိဆုံး အုပ်စု ဖြစ်၏။
**************

ဂုဏ် သရေရှိ မိဘမှ မွေးဖွားခြင်း

သခင်၏ ဖခင်ကြီး အဗူ စွဖ်ယာန် (ရဿွီ ယုလ္လာ အန်ဟု) သခင် သည် အစ္စလာမ် သာသနာ တော်ကို လက်မခံမီ အလျင် ကပင် မိမိ၏ အမျိုး အနွယ် တွင် သြဇာ တိက္ခမ ကြီးမား သူများ ထဲမှ ထင်ရှားသူ တစ်ဦး ဖြစ်ခဲ့၏။ မက္ကာဟ် မြို့ကို အစ္စလာမ် သာသနာဝင် များ အောင်နိုင်သော နေ့တွင် အစ္စလာမ် သာသနာတော် ကို သက်ဝင် ယုံကြည်၍ အစ္စလာမ် ၏ အေးရိပ်သို့ ခိုနား ခဲ့၏။ အဗူ စွဖ်ယာန် (ရဿွီ ယုလ္လာ အန်ဟု) သခင် အစ္စလာမ် သာသနာ ဘောင်သို့ ၀င်ရောက် သည့် အခါ နှစ်ဘ၀ သခင် ကျေးဇူးရှင် တမန်တော်မြတ် (ဆွလ္လလ္လာဟု အလိုင်ဟေ့ ၀စလ္လာမ်) သည် အလွန် ၀မ်းမြောက်တော် မူ သဖြင့် ဤသို့ ကြောငြာတော် မူခဲ့၏။ “အကြင် မည်သူ မဆို အဗူ စွဖ်ယာန် နေအိမ်တွင် ခိုအောင်း နေလျှင် ထို သူတို့အား ဖမ်းဆီး အရေးယူ ခြင်းမှ လွတ်ငြိမ်း ချမ်းသာ ခွင့်ပေးတော် မူမည်။”
အဗူ စွဖ်ယာန် (ရဿွီ ယုလ္လာ အန်ဟု) သခင် သည် အစ္စလာမ် သာသနာ့ ဘောင်သို့ မ၀င်ရောက်မီ အမိုက်ခေတ် ၍ပင် ကောင်းမွန်သော စာရိတ္တ ပိုင်ရှင် ဖြစ်ခဲ့၏။ ဂုဏ် သရေရှိ လူကြီး လူကောင်း ဖြစ်ပြီး ခေါင်းဆောင်ကြီး တစ်ဦး လည်းဖြစ်ကြောင်း အလ္လာမဟ် အစ်ဗ်နို ကသီရ် က မှတ်တမ်း တင်ထားသည်။
အဗူ စွဖ်ယာန် (ရဿွီ ယုလ္လာ အန်ဟု) သခင် သည် မိမိ အမျိုး အနွယ် ၏ ခေါင်းဆောင် ဖြစ်သည်။ သခင်၏ အမိန့်ကို လည်း အမျိူးသား ခေါင်းဆောင် များက လေးစားစွာ နာခံ ကြ၏။ သခင်သည် ပစ္စည်း ဥစ္စာ ချမ်းသာသော လူကုံထံ တစ်ဦး ဖြစ်ခဲ့သည်။
အစ္စလာမ် သာသနာ တော်ကို လက်ခံပြီး နောက် အဗူ စွဖ်ယာန် (ရဿွီ ယုလ္လာ အန်ဟု) သခင် သည် တမန်တော်မြတ် (ဆွလ္လလ္လာဟု အလိုင်ဟေ့ ၀စလ္လာမ်) ၏ အပါးတော် တွင် ခစား၍ “ဟုနိုင်းန်” တိုက်ပွဲ၊ “ယရ်မူးက်” တိုက်ပွဲ စသည့် တိုက်ပွဲ များ၌ တက်ကြွစွာ ပါဝင် ဆင်နွှဲ ခဲ့၏။ သခင် သည် A.H 31 တွင် ကွယ်လွန် ခဲ့၏။
မုအာ ၀ိယဟ် (ရဿွီ ယုလ္လာ အန်ဟု) သခင် ကို တမန်တော်မြတ် (ဆွလ္လလ္လာဟု အလိုင်ဟေ့ ၀စလ္လာမ်) နဗူဝသ် မရမီ ၅နှစ် အလျင်၌ မွေးဖွား ခဲ့၏။
သခင် သည် ငယ်စဉ် ကာလ ဘ၀ ကလေး အရွယ် ကပင် ရဲစွမ်း သတ္တိ၊ တည်ကြည် ပြတ်သားမှု နှင့် ခေါင်းဆောင် ကောင်း တို့၏ အရည် အချင်း များ ပေါ်လွင် နေ၏။ တစ်နေ့ သ၌ ဖခင် အဗူ စွဖ်ယာန် (ရဿွီ ယုလ္လာ အန်ဟု) သခင် က သားငယ် ၏ အရိပ် အခြေကို ကြည့်ပြီး “ငါ၏ သားမောင် သည် ဥာဏ် အမြော် အမြင် ကြီးမားသူ ဖြစ်သည်။ သူသည် မိမိ မျိုးနွယ် ၏ အကြီး အကဲ ဖြစ်ချေ မည်” ဟု ဆိုသည် ကို ကြားလျှင် မိခင် ဖြစ်သူ ဟိန္ဒဟ် (ရဿွီ ယုလ္လာ အန်ဟာ) က “ဘာပြော တယ် မိမိ မျိုးနွယ် တစ်ခု တည်းရဲ့ ခေါင်းဆောင် ဟုတ်လား၊ သူဟာ အာရေဗီယာ ကမ္ဘာရဲ့ ခေါင်းဆောင် ဖြစ်မလာ လျှင် ကျွန်မ မျက်ရည် စတွေ နဲ့ ငိုပွဲ ဆင်ရ မှာပါ” ဟု ဆိုခဲ့ သည်။
ထို့ အတူ တစ်ခါက သခင့်ကို အင်္ဂ ၀ိဇ္ဇာ တစ်ဦးက ကလေး ဘ၀ ဆော့ ကစား နေစဉ် သခင်၏ ရုပ်ဆင်း ရူပကာ ကို ကြည့်ပြီး “ဤ ကလေး သည် မိမိ မျိုးနွယ် ၏ ဦးစီး ခေါင်းဆောင် ဖြစ်ချေ မည်” ဟု ဟောကိန်း ထုတ် ခဲ့၏။
မိဘ များသည် သခင်ကို အထူးပင် ဂရု တစိုက် ပြုစု ပျိုးထောင် ပြီး မင်း ယောင်္ကျား တို့ တတ်အပ် သည့် အဌာ ရသ တစ်ဆယ့်ရှစ် ရပ်သော ပညာ များကို သင်ကြား ပေး၏။

မှတ်ချက် ။ ။ ထိုခေတ် ထို အခါက အာရေဗီယဟ် ၌ စာရေး တတ် ဖတ်တတ် သူ အလွန်ပင် ရှား၏။ စာပေ ပညာရှင် ဦးရေ ကို လက်ချိုး ၍ပင် ရေတွက် နိုင်၏။ သခင် သည် ထို ရှားပါး ပညာရှင် များထဲ၌ တစ်ဦး အပါ အ၀င် ဖြစ်၏။

Posted in ပုဂ္ဂိုလ်ထူးကဏ္ဍ, ဆောင်းပါး | Leave a comment

အဗူ စလ်မဟ် (ရဿွီ ယလ္လာဟို အန်ဟု) သခင်

အမည်ရင်း အဗ်ဒွလ္လာဟ် – ဗနူ မခ်ဇူးမ် မျိုးနွယ် မှ ဖြစ်သည်။ မိခင် သည် တမန်တော်မြတ် (ဆွလ္လလ္လာဟို အလိုင်ဟိ ၀စလ္လာမ်) ၏ ဖူဖီ ဖြစ်သည်။ ကိုယ်တော် နှင့် နို့စို့ဘက် ညီလဲ ဖြစ်သည်။ ဇနီး အွမ်မေ့ စလ်မဟ် (ရဿွီ ယလ္လာဟို အန်ဟာ) နှင့် အတူ ကနဦး မှပင် အစ္စလာမ် လက်ခံ ခဲ့၏။ မွတ်စ်လင်မ် (၁၀)ဦး ခန့် ရှိသည့် အချိန်က မွတ်စ်လင်မ် ဖြစ်ကြ၏။ ရှေးဦး မွတ်စ်လင်မ် များ ဒုက္ခခံ ကြသကဲ့သို့ ဇနီး မောင်နှံ လည်း နှိပ်စက် ခံခဲ့ရ လေသည်။ နဗ၀ီ (၅) ခုနှစ်တွင် ဟဗ်ရှဟ် သို့ ဟိဂ်ျရသ် ပြုခဲ့၏။ မှားယွင်းသော သတင်းကြောင့် မက္ကဟ် ရောက်လာ ရာ အဗူ သွာလိဗ်က ခိုလှုံခွင့် ပေးခဲ့ လေသည်။ ၎င်း၏ မျိုးနွယ်သည် ကာဖိရ် များ ဖြစ်ကြ သည့် အလျှောက် ၎င်းတို့သား အပ်နှံရန် တောင်းဆို ကြသည်။ “ခင်ဗျားရဲ့ အကိုသား တူတော် မုဟမ္မဒ် ကိုလည်း ခိုလှုံခွင့် ပေးခဲ့ပြီ။ ယခု ကျွန်ုပ် တို့ လူကိုလည်း အာကြောင့် မအပ်နှံ တာလဲ” ဟု စောဒက တက်ကြ၏။ အဗူ သွာလိဗ် က မုဟမ္မဒ် ဟာ အကို့သား ဖြစ်သလို အဗူ စလ်မဟ် ဟာလည်း အမရဲ့ သားလည်းဖြစ်တယ်။ ဒါကြောင့် မို့ ကျုပ် ခိုလှုံခွင့် ပေးရကြောင်း” ပြောကြား လေသည်။ ကာဖိရ် နှိပ်စက် ခြင်းသည် စံချိန် မြင့် လာသဖြင့် တဖန် ဟိဂ်ျရသ် ပြုရာတွင် အဗူ စလ်မဟ် (ရဿွီ ယလ္လာဟို အန်ဟု) တို့ လင်မယား လဲ ပါဝင် ခဲ့၏။ အိမ်ခြေမဲ့ ဘ၀ဖြင့် ဟဗ်ရှဟ် တွင် နှစ် အတန်ကြာ နေထိုင် ပြီးနောက် တမန်တော်မြတ် (ဆွလ္လလ္လာဟို အလိုင်ဟိ ၀စလ္လာမ်) တို့ မဒီနဟ် ဟိဂ်ျရသ် မပြုမီ အခြား မုဟာဂျိရ် နှင့် အတူ မက္ကဟ် ရောက်လာပြန် ၏ တဖန် မိမိ မျိုးနွယ် တို့၏ ဒုက္ခကို ခံရရှာ လေသည်။

ကိုယ်တော် (ဆွလ္လလ္လာဟို အလိုင်ဟိ ၀စလ္လာမ်) ဟိဂ်ျရသ် မပြုမီ တစ်နှစ် အလျင် မဒီနဟ် သို့ ဟိဂ်ျရသ် ပြုရန် ရည်ရွယ်၏။ ကုလားအုပ် တစ်ကောင် သာ ရှိ၍ စလ်မဟ် (ရဿွီ ယလ္လာဟို အန်ဟု) နှင့် အွမ်မေ့ စလ်မဟ် (ရဿွီ ယလ္လာဟို အန်ဟာ) ကို တင်ဆောင် ကာ ဇက်ကြိုး ဆွဲ၍ ထွက်ခွာ လေသည်။ အွမ်မေ့ စလ်မဟ် (ရဿွီ ယလ္လာဟို အန်ဟု) ၏ မျိုးနွယ် ဗနူ မူဂီရဟ် က သတင်းကြား ရသဖြင့် ကုလားအုပ် ကို ၀ိုင်းလိုက်၏။ “အဗူ စလ်မဟ် မင်းသွား နိုင်တယ်။ ဒို့ သမီး ကိုတော့ မထည့် နိုင်ဘူး” ဟု ပြောကာ အွမ်မေ့ စလ်မဟ် ကို လုယူသွား ကြ၏။ တဖန် အဗူ စလ်မဟ် မျိုးနွယ် အဗ်ဒွလ် အစဒ်က မင်းတို့ သမီးကို ဒို့လူ ဆီက လုယူ ကြသလို ဒို့လည်း စလ်မဟ် ကလေးကို မင်းတို့ လက်ဝယ် မအပ်နိုင်ဘူး” ဟု ဆို၍ ကလေး ကို ဆွဲကြ၏။ အပြန် အလှန် ဆွဲ နေနေ ကြသဖြင့် ကလေး၏ လက်ဆစ်ရိုး ပင် ပြုတ်ရ လေသည်။ အဗူ စလ်မဟ် (ရဿွီ ယလ္လာဟို အန်ဟု) သည် အီမာန် အတွက် ကလေးနှင့် ဇနီးကို တကွဲ တပြား စီထား၍ တဦးတည်း ထွက်ခွာ ရရှာသည်။ တနှစ် အကြာ မျိုးနွယ် နှစ်ခုလုံး သနားကြ သဖြင့် သားအမိ နှစ်ဦးတည်း ဟိဂ်ျရသ် ပြုကြ လေသည်။ တမန်တော်မြတ် (ဆွလ္လလ္လာဟို အလိုင်ဟိ ၀စလ္လာမ်) ဟိဂ်ျရသ် ပြုသည့် ကာလတိုင် အဗူ စလ်မဟ် (ရဿွီ ယလ္လာဟို အန်ဟု) သည် ကုဗ္ဗာတွင် နေထိုင် ခဲ့၏။ သခင်အား အဗူ ခိုင်စမဟ် အန်စာရီ (ရဿွီ ယလ္လာဟို အန်ဟု) နှင့် ညီနောင် ဖွဲ့ပေး လေသည်။ ဗဒရ် နှင့် အိုဟွဒ် တွင် ပါဝင် ခဲ့၏။ အိုဟွဒ် တွင် ဒဏ်ရာ ပြင်းထန်လှ သဖြင့် တလ တိတ် ဆေးကုသ ခဲ့၏။ ဟိဂ်ျရီ သုံးခုနှစ် တွင် အုပ်စု နှစ်ခု မဒီနဟ်ကို တိုက်ခိုက်ရန် စုရုံး ဆိုင်းပြင်း နေကြောင်း တမန်တော်မြတ် (ဆွလ္လလ္လာဟို အလိုင်ဟိ ၀စလ္လာမ်) သတင်း ရရှိ သဖြင့် လူတရာ ပေါ် သခင်အား ခေါင်းဆောင် တင်၍ စေလွှတ် ခဲ့၏။ (၂၉) ရက်ကြာ မှ မဒီနဟ် ပြန်ရောက် ၏။ သုံ့ပန့် ကစ္စည်းလည်း ယူဆောင်ကာ အောင်မြင်မှု ရရှိ ခဲ့၏။ ရက် အတန်ကြာ ပြီးနောက် အိုဟွဒ် တွင် ထိခိုက်သော ဒဏ်ရာ မှာ ပြန် အဆိပ်တက် လာ သဖြင့် မျှော်လင့်ချက် မရှိတော့ပေ။ ကိုယ်တော်လည်း အကြိမ်ကြိမ် လာရောက် ကြည့်ရှု ခဲ့၏။ ဟိဂ်ျရီ (၄) ခုနှစ် ဂျူမာဒီလ် အုခ်ရာ တွင် စကရားသ် ၀င်နေ ရှာ၏။ တမန်တော်မြတ် (ဆွလ္လလ္လာဟို အလိုင်ဟိ ၀စလ္လာမ်) ကို မြင်ရတော့ မှ အသက် ထွက်သွား၏။ ကိုယ်တော် သည် သခင့် မျက်လုံးကို ပိတ်လိုက်၏။ တမန်တော်မြတ် (ဆွလ္လလ္လာဟို အလိုင်ဟိ ၀စလ္လာမ်) ကိုယ်တိုင် ဂျနာဇဟ် ရပ်ခဲ့ လေသည်။

Posted in ပုဂ္ဂိုလ်ထူးကဏ္ဍ | Leave a comment

“မိုဟရ်ရမ်လ နှင့် အာရှူရာ ရက်မြတ် အကြောင်း”

မိုဟရ်ရမ်လ ဟူသည်မှာ အာရဗီဘာသာနှင့် ခေါ်ဆိုခြင်း ဖြစ်သည်။ မြန်မာလို ဘာသာပြန်ပါက (ဟရမ်) ပြုခြင်းကို ခံရသည် ဟုဖြစ်ပါသည်။ မည်သည်ကို ဟရမ်ပြုပါ သနည်း။ ဤသည်တို့မှာ တမန်တော် မုဟမ္မဒ် (ဆွလ္လလ္လာဟို အလိုင်ဟိ ၀စလ္လာမ်)မပွင့်တော်မူအလျှင်ကပင် အာရဗီယာတွင် နေထိုင်ကြကုန်သော အာရဗ်အမျိုးသား အပေါင်းသည် အစဉ်ဘ၀ ရိုင်းပြသော အလေ့အဓ ရှိကြသည်။ ထိုသို့ ရိုင်းပြကြသဖြင့် အချင်းချင်း သတ်ဖြတ်ခြင်း စစ်ထိုးခြင်း ဆိုးသွမ်း ညစ်ငြမ်းခြင်း စသည့် အလုပ်များကို ဤ မိုဟရ်ရမ်လ တွင် တစ်ညီ တညွတ်တည်း ရပ်ဆိုင်းထားလေ့ ရှိသည်။ ထိုအကြောင်း အရာကို အစွဲပြု၍ မိုဟရ်ရမ် ခေါ်ဝေါ သမုတ်ခဲ့ကြခြင်း ပင်ဖြစ်လေသည်။

မိုဟရ်ရမ် လတွင် ကမ္ဘာ တစ်ဝှမ်းလုံးရှိ အစ္စလာမ် အမျိုးသားအပေါင်း၏ တစ်နှစ်လျှင် တစ်ကြိမ်သာ ကျရောက်သော သက္ကရာဇ် ပြောင်းသော ရက်ကောင်း ရက်မြတ် နှစ်ဦး လဦး မင်္ဂလာထူး ဖြစ်သည်။ ထိုမိုဟရ်ရမ်လ နှစ်ဆန်း တစ်ရက်သည် အစ္စလာမ် ဘာသာဝင် တို့၏ နှစ်ဆန်း တစ်ရက် ပင်ဖြစ်သည်။ ထိုနှစ်ဆန်း တစ်ရက် သို့မဟုတ် ထိုနှစ်ဆန်း (၁)ရက်မှ (၁၀) ရက်နေ့အတွင်း ကို အာရှူရာ ရက်မြတ်ဟု သတ်မှတ်ချက် ရှိပြန်သည်။ အာရှူရာ ရက်မြတ်ဟု သတ်မှတ်ရခြင်းကို တင်ပြရသော် ဤ မိုဟရ်ရမ်လဆန်း (၁)ရက်မှ (၁၀)ရက်အတွင်းတွင် အာဒမ် အလိုင်းစ္စလာမ်သခင်၊ အစ်ဒရစ်ပိုင်ဂမ်ဗရ်သခင်၊ နူဟွန်နဗီသခင်၊ အီဗရာဟင် နဗီသခင်၊ ဒါဝတ်နဗီသခင်၊ မူဆာနဗီသခင်၊ စိုလိုင်မန် နဗီသခင်၊ အိုင်ယွတ်နဗီသခင်၊ ယူနွတ်စ်နဗီသခင်၊ အီစာနဗီသခင် စသည့် တမန်တော် နဗီသခင်ကြီး ၁၀ ပါး၏ အလိုကို ပြည့်စုံအောင် (အောက်လာဟို့ တအာလာ) ခိုဒါအရှင်မြတ်က ရဟ်မတ် ချမ်းသာ ပေးတော်မူခဲ့သည်ကို အကြောင်းပြု၍ (အာရှူရာ)ရက်မြတ်ဟု ခေါ်ဆိုခြင်းဖြစ်၏။

မည်သည်တို့သည် ရဟမတ်ချမ်းသာနည်း။ ၎င်းတို့မှာ ကြီးမြတ်လှသော အလ္လာဟု အရှင်မြတ်သည် ထိုရက်လ အတွင်းမှာပင် မိုး (၇)ထပ်ကိုသော်လည်းကောင်း၊ အရရ်ှတော်ကို သော်လည်းကောင်း၊ လောင်ဟို့ ကလမ် ကိုသော်လည်းကောင်း၊ ဂျစ်ဗရာအီလ် အလိုင်ဟစ္စလမ် ကိုသော်လည်းကောင်း၊ အာဒမ်နဗီသခင်ကို သောလည်းကောင်း၊ ဒွန္နယာ လောကကို သော်လည်းကောင်း၊ တောင်အပေါင်းကို သော်လည်းကောင်း၊ ပင်လယ် သမုဒ္ဒရာ အပေါင်းကို သော်လည်းကောင်း၊ ၀ိုင်ဒါ ထင်လင်း ဖန်ဆင်းတော် မူစေ၏။

လူဟူသမျှတို့၏ အဘ လူသား၏ အဦးအစဖြစ်တော်မူသော (အာဒမ် နဗီသခင်)ကို ထိုရက်လမှပင် ဂျန္နတ်ဘုံမှ မြေပြင်သို့ နှင်ချတော်မူ ခြင်းကို ခံရသည်။

ထိုရက်လမှာပင် အာဒမ်နဗီ သခင်၏ ၀န်ချတောင်းပန် အသနားတော်မြတ် ခံသော (သောင်ဗာ)ကို အရှင်မြတ်က လက်ခံ (ကဗွလ်) ပြုတော်မူ၍ ရဟမတ် ချမ်းသာပေးတော်မူခဲ့သည်။

တမန်တော် အီဗရာဟင် နဗီသည် ဤရက်လ မှာပင် ဖွားမြင်တော်မူသည်။ နမရွတ် ဘုရင်က စက်မောင်းတပ်ဆင် တုတ်နှောင်၍ ပြည်လုံးကျွတ် မီးပုံကြီးဘေးနှင့် အရှင်မြတ်က ထိုရက်လမှာပင် ချမ်းသာစေတော်မူပြီး မီးပုံကြီးထဲတွင် ရုတ်ချင်း ပန်းဥယျာဉ် ဖြစ်စေတော် မူလေသည်။ ၎င်းတမန်တော် အီဗရာဟင်နဗီ သခင်၏ သားတော် အစ္စမာအီလ် နဗီသခင် ကို ခမည်းတော်က ကွရ်ဗါနီပြုမည် ရှိရာတွင် ထို အစ္စမာအီလ်နဗီ သခင်၏ အစား အရှင်မြတ်က ဒွန်ဗါကို ခပေးသေနားတော် မူခဲ့သည် မှာလည်း ဤရက်လ အတွင်းမှာ ပင်ဖြစ်ပေသည်။

တမန်တော် မူစာ သခင်အား ညှင်းပန်း နှိပ်စက်ရန် လိုက်လန်ဖမ်းစီး ကြကုန်သသော ဖွေရ်အောင် ဘုရင်နှင့် နောက်လိုက် စစ်သည်ဗိုလ်ခြေတပ်သား အမြောက်အမြား တို့အား အရှင်မြတ်၏ အလိုတော်အရ နိုင်းလ် မြစ်ရေအတွင်းတွင် ဖျက်ဆီးခြင်းကို ခံရသည်မှာလည်း ဤရက်လအတွင်းမှာပင်ဖြစ်လေ၏။ ထိုအပြင် တမန်တော် မူစာနဗီသခင်အား ၀ဟီ အမိန့်တော်ပေးခဲ့ခြင်းနှင့် (တောင်ရတ်) ကျမ်းတော်ကြီးကို လည်းချပေး သနားတော်မူသည်မှာ ဤရက်လ အတွင်းပင်ဖြစ်လေသည်။

တမန်တော် အိုင်ယွဗ် နဗီသခင်၏ ရောဂါဝေဒနာကြီး ကိုလည်း ဤရက်လ အတွင်းမှာပင် အရှင်မြတ်၏ ရဟမတ်ချမ်းသာ ပေးသနားခြင်းကို ခံရ၍ လုံးဝပျောက်ကင်း ကျန်းမာစေ တော်မူလေသည်။

တမန်တော် စိုလိုင်မန် နဗီသခင်ကို ဤရက်လ အတွင်းမှာပင် အရှင်မြတ်က တိုင်းပြည်အား အချုပ်မင်းလုပ်ရန် ခန့်အပ်ပေးသနား တော်မူလေသည်။

တမန်တော် (အစ်ဒရစ်) နဗီသခင်ကိုလည်း ၎င်းနည်းတူ ဤရက်လအတွင်းမှာပင်ကောင်းကင်သို့ တင်ဆောင်တော် မူလေသည်။

တမန်တော် နူဟ် နဗီသခင်နှင့် အသင်းတော်သား တို့ စီးနင်းလိုက်ပါ ကြသော သဘောင်္ကို ရေကေယာမတ် အတွင်းမှာ လွတ်ကင်း ချမ်းသာစေ၍ အရှင်မြတ်က ဤရက်လမှာပင် (ဂျူဒီ) တောင်ပေါ်သို့ ချောမောစွာ ဆိုက်ရောက်စေ တော်မူစေလေ၏။

တမန်တော် ယူနွတ်စ် နဗီသခင်မှာ ငါးကြီးဝမ်းဗိုက် အတွင်းမှာ ဤရက်လ အတွင်းမှာပင် အရှင်မြတ်၏ ရဟမတ်တော်ဖြင့် ချမ်းသာစွာ အံထွက်စေ တော်မူလေသည်။

တမန်တော် ယာကွတ်နဗီ သခင်နှင့် သားတော် ယူဆွဖ်နဗီသခင် တို့သည် နှစ်ပေါင်း ၄၀ ကျော်ကွဲနေကြရာမှာ အရှင်မြတ်က ဤရက်လ အတွင်းမှာပင် ပြန်လည်တွေ့ဆုံ ပျော်ရွှင်စေ တော်မူခဲ့လေသည်။

ကျွန်တော်များ၏ ကျေးဇူးတော်ရှင် တမန်တော် မိုဟမ္မဒ် ကိုယ်တော်မြတ်နှင့် ဘီဘီ ခဒီဂျာသခင်မကြီး တို့သည် ဤရက်လ အတွင်းမှာ စုလျားရစ်ပတ် လက်ထပ်နေကာ မင်္ဂလာ ဆင်ယင်တော် မူခဲ့ကြခြင်းမှစ၍ ထိုအရှင် မိုဟမ္မဒ် ကိုယ်တော်မြတ်၏ မြေးတော်အငယ် ဖြစ်တော်မူသော (ဟဇရတ် အေမါမ် ဟိုစိုင်န် (ရဒွိယလ်လာဟု အန်ဟု) သခင်နှင့် သားတော် တူတော် အိမ်တော်သူ၊ အိမ်တော်သား(အာလေ့အာဗါ) ဖြစ်တော်မူသော သခင် သခင်မတို့ ကျေးတော်မျိုး ကျွန်တော်မျိုးများသည် (ယဇစ်) ၏ စစ်သည်တပ် များက ၀ိုင်းဝန်း ပိတ်ဆို့ကြသဖြင့် (ကရ်ဗလာ) တည်းဟူသော သဲလွင်ပြင်တွင် ရေတောင်မှ မသောက်သုံးရဘဲ သုံးရက်တိုင်တိုင် နေထိုင်ရ၍ အရှင်မြတ်၏ စမ်းသပ်တော်မူသော ဒုက္ခများကို တစိတ်တလက်တည်း မြိုသိပ်က နှုတ်ခမ်းတော် ခြောက်ခြောက်ဖြင့် (ယဇစ်) ဓါးလက်နက်အောက်တွင် ရှဟီဒီရ် တဗါခံယူတော် မူသည်မှာလည်း ဤရက်လအတွင်းမှာပင် ဖြစ်လေ၏။

ထူးခြားသော အရေးကြီးကိစ္စများကို အရှင်မြတ်သည် ဤရက်လအတွင်းမှာပင် ဖြစ်စေတော် မူခဲ့စေသည် သာမက နောင် (ကေယာမတ်) ဟူသည်မှာလည်း ဤရက်လ အတွင်းမှာပင် ဖြစ်တော်မူလိမ့်မည်ဟူလေသည်။ ဤလောက ဒွန္နယာကို အစဦးဆုံး မိုးရွာသွန်းတော် မူစေခြင်းနှင့် အသီးအစ (ရဟမတ်တော်) ချပေး သနားတော် မူခြင်းသည်။ ဤရက်လ အတွင်းမျာပင် ဖြစ်တော်မူခဲ့လေသည်။

တမန်တော်မြတ်၏ ဟဒီးသ်တော် တစ်ခုတွင်
“အကြင်သူတစ်ဦးတစ်ယောက်သည် အရှူရာ (၁၀)ရက် ၌ ရိုဇာဆောက်တည်ခဲ့သော် တစ်နှစ်ပတ်လုံး ရိုဇာ ဆောက်တည် သကဲံသို့သော် လည်းကောင်း၊ ထိုကဲ့သို့ ရိုဇာ (အေဗါဒတ်)နှင့် တိတ်ဆိတ်စွာ နေခဲ့ပါက ဤ တစ်နှစ်အတွင်း၌ (ဂွန္နာ) အပေါင်း၏ (ကဖွါရာ) ကိုချွတ်သကဲ့သို့ သော်လည်းကောင်း၊ မိမိ၏ အိမ်သား-ဆွေမျိုးသားချင်းများကို အခြားသော ရက်လများထက် ဤရက်လတွင် ပိုမို ကျွေးမွေး ပေးကမ်း ခြင်းများ ပြုလုပ်ခဲ့ပါလျှင် တစ်နှစ် ပါတ်လုံး ထိုကဲ့သို့ ကျွေးမွေး ပေးကမ်းနိုင်သူ အဖြစ်ကိုသောလည်းကောင်း၊ ဘမိမဲ့သော (ယသင်) များ ဦးခေါင်းကို ဤရက်လ၌ မေတ္တာ စေတနာ အပြည့်ဖြင့် လက်ဖြင့် သုပ်သင်ခြင်း၊ ကျွေးမွေးခြင်းများ ပြုလုပ်ပါလျှင် ထို (ယသင်)၏ ဦးခေါင်းတွင် ရှိသော ဆံပင်နှင့် ညီမျှစွာ အကျိုးစ၀ပ်နှင့် (ဗဟစ်ရှ်)၌ သင့်တော်သော ဒရဂျာကို သော်လည်းကောင်း။

အာရှူရာ ညတွင် အဖ်ွတရ် ပြုခဲ့လျှင် ရစူလ်ကိုယ်တော်မြတ်၏ အွမ္မတ်တော် အပေါင်းကို အဖ်ွတရ် ပြုရန် ကျွေးမွေး သကဲ့သို့ သော်လည်းကောင်း၊ မကျမ်းမာသော ရောဂါ ဝေဒနာသည် များကို မေးမြန်ခြင်းပြုပါက အာဒမ် အလိုင်စလိုင်သခင်၏ သားမြေး အပေါင်း တို့အား မေးမြန်းသကဲ့သို့ အကျိုးစ၀ပ်နှင့် တူညီမှုကို သော်လည်းကောင်း၊ အ၀တ်မဲ့ သူများကို အ၀တ်ပေးပါက ပူပြင်းသော အသဗ် အပြစ်ဒဏ်မှ သော်လည်းကောင်း၊ ရေ ရှရဘတ် နို့ အစာ အဟာရ များကို တိုက်ကျွေး လှူဒါတ်းခြင်းများ ပြုလုပ်ပါက အရှင်မြတ်၏ အမိန့်ဖီဆန်သူ အဖြစ်မှ လွတ်ကင်းစေ သောဆုကို သော်လည်းကောင်း၊ အခြားလူသား ကောင်းကျိုးများ ပြုလုပ်ပါက ထူးခြား ကြီးမားသော အကျိုးစ၀ပ်ကို ပေးသနား တော်မူလိမ့်မည် ဟူ၍ ခိုင်မာသော ကျမ်းတော်ကြီမားနှင့် ကမ္ဘာတစ်ဝှမ်းလုံးရှိ ဗလီများတွင် မိုဟရ်ရမ်လ အတွက် ရွတ်ဖတ်ကြသော ခွတ္တဗါကျမ်းစာ များမှာလည်း ဖော်ပြထားပေးသည်။

ကုရ်အာန် နှင့် ဟဒီးစ်တော်များ….( Right Way) မှကူးယူ ဖေါ်ပြသည်။

Posted in အထူးကဏ္ဍ, ဆောင်းပါး | Leave a comment

“မိုဟရ်ရမ်လနှင့်အာရှူရာရက်မြတ်အကြောင်း နှင့် ရှောင်ကြဉ်အပ်သော လုပ်ငန်းများ”

“အရ်ဗအသွန် ဟုရွမ်၊ မုဟရ်ရမ်လမြတ်”

တမန်တော် အီဗ်ရာဟင်မ် (အလိုင်ဟိစ္စလာမ်) သခင် ၏ သာသနာတော် တွင် ပါရှိ ခဲ့သည့် ရိုသေ မြတ်နိုး အပ်သော လများမှာ မုဟရ်ရမ်၊ ရဂျဗ်၊ ဇူလ်ကအ်ဒဟ်၊ ဇူလ်ဟဂ်ျလ များ ဖြစ်ပါသည်။

အာရေဗျ နိုင်ငံတွင် တရားမဲ့ အရိုင်းခေတ် က အလေ့ အထ တစ်ခု ရှိခဲ့သည်။ အာရဗ် လူမျိုး များသည် တစ်နှစ်လျှင် လေးလ တိုင်တိုင် အေးချမ်းစွာ နေထိုင် ကြရန် သတ်မှတ် ထားသည်။ ယင်းလ များမှာ (၁) မုဟရ်ရမ်၊ (၂) ရဂျဗ်၊ (၃) ဇူလ်ကအ်ဒဟ်၊ (၄) ဇူလ်ဟဂ်ျလ များ ဖြစ်ပါသည်။ ယင်းလေးလ ကို မွန်မြတ်သည် ဟု ၎င်းတို့က လည်း မှတ်ယူခဲ့ ကြသည်။

အစ္စလာမ့် နှစ်သစ် ဆန်းလ ရောက်တိုင်း တမန် တော်မြတ် (ဆွလ္လလ္လာဟု အလိုင်ဟိ ၀စလ္လာမ်) သခင်၏ သာသနာ ကြိုးပမ်းမှု၊ အစ္စလာမ့် အတွက် အသက် စွန့်မှုတို့ အပြင် ရယူ ခဲ့တော်မူသော အောင်မြင်မှု တို့ကို သတိရ စေပါသည်။

“အာရှုရာဟ်နေ့ ၏ မြင့်မြတ်မှု”

ရာမ်ဇန်လ ၏ နောက် ရိုဇာဟ် ဥပုသ် စောင့်ထိန်းမှု များတွင် အမွန်မြတ်ဆုံး ရိုဇာဟ်မှာ အာရှုရာဟ် နေ့၏ ရိုဇာဟ် ဖြစ်ပါသည်။
(မွတ်စ်လင်မ်ကျမ်း)

အာရှုရာဟ်နေ့တွင် ရိုဇာဟ် ၂ရက် စောင့်ထိန်း ကြပါကုန်၊ အာရှုရာဟ်နေ့ အပါ အ၀င် တစ်ရက်ကြို တင်၍   ဖြစ်စေ၊ သို့မဟုတ် တစ်ရက် နောက်ကျ၍ ဖြစ်စေ ရိုဇာဟ် ထားကြ ပါကုန်ဟု မိန့်ထား လေသည်။
(အဟ်မဒ် နှင့် ဗီဇာရ်ကျမ်း)

အာရှုရာဟ်နေ့ ၏ ရိုဇာဟ် သည် ကုန်လွန် ခဲ့သော တစ်နှစ် အတွင်း ကျူးလွန် ခဲ့သော သေးငယ်သည့် အပြစ်   ဂိုနာဟ်များကို ပပျောက်စေ သည် ဟူ၍ ငါကိုယ်တော် မျှော်ကိုး၏ ဟု မိန့်ထား လေသည်။
(မွတ်စ်လင်မ်ကျမ်း)

အကြင် သူသည် အာရှုရာဟ် နေ့၌ မိမိ၏ အိမ်သူ အိမ်သား များအတွက် စားသောက် မှုတွင် ချောင်ချိစွာ သုံးစွဲ ခဲ့သည် ရှိသော် အသျှင်မြတ် သည် ထို သူအတွင် တစ်နှစ် ပတ်လုံး ချောင်ချိမှု ကို ပေးအံ့ ဟု မိန့်တော်မူ ထားလေသည်။ အာရှုရာဟ် နေ့သည် မုဟရ်ရမ်လ (၁၀)ရက်နေ့ ဖြစ်သည်။
(မစ်ရ်ှကာသည် နှင့် ဗိုင်ဟကီ)

“အာရှုရာဟ်နေ့၏ ရှောင်ကြဉ်အပ်သော လုပ်ငန်းများ”

အာရှုရာဟ်နေ့ တွင် ရှောင်ကြဉ် ရမည့် အချက် များမှာ –

(၁)ပျော်ပွဲ ရွှင်ပွဲများ ပြုလုပ်ခြင်း၊

(၂) အထိမ်း အမှတ် တစ်ခုခု သတ်မှတ်၍ ပြုလုပ်ခြင်း၊

(၃) ကဗျာ လင်္ကာများ ရွတ်ဆို၍ ကြေကွဲ လွမ်းဆွတ်ဖွယ် သတိရခြင်း၊

(၄) တမန် တော်မြတ် (ဆွလ္လလ္လာဟု အလိုင်ဟိ ၀စလ္လာမ်) ၏ အိမ်တော်သူ အိမ်တော်သားများ ဘေး ဒုက္ခရောက်ကြောင်း များ ရွတ်ဖတ်၍ ၀မ်းနည်း ကြေကွဲသမှု ပြုခြင်း၊

(၅) ရှရီက် နှင့် အပြစ် ရနိုင်သော လုပ်ငန်း များမှ ရှောင်ကြဉ် ရမည် ဖြစ်ပါသည်။

Posted in အထူးကဏ္ဍ, ဆောင်းပါး | Leave a comment