တရားစီရင်စစ်ချက်ပေးရသောနေ့ The Day of Account

တရားစီရင်စစ်ချက်ပေးရသောနေ့

The Day of Account

            အထက်တွင် ဖော်ပြခဲ့သည့် အဖြစ်အပျက်များ၏နောက်တွင် ဒုတိယအကြိမ် တံပိုးခရာသံထွက်လာလိမ့်မည်။ ထိုတံပိုးခရာ သံ သည်သက်ရှိ အရာတိုင်း သေလွန်ခဲ့ပြီးသူတိုင်း ပြန်လည်ရှင်ထလာကြသဖြင့် ကမ္ဘာမြေပြင်၌ လူတွေ ပြည့်ကျပ်နေကြလိမ့်မည်။ အချို့ သော သူတို့သည် လွန်ခဲ့သည့်နှစ်ပေါင်းသိန်းသန်းများစွာကတည်းက သေဆုံးခဲ့သူများ ဖြစ်ကြလိမ့်မည်။ ထိုပြန်လည်ရှင် ထကြမည့်နေ့ ရက်တွင် ဇဝေဇ၀ါ စိတ်ရှုပ်ထွေးခြင်းအဖြစ်ကို ကုရ်အာန်ကျမ်းတော်မြတ် တွင် အောက်ပါအတိုင်း ပြဆိုထား၏။

ထို့ပြင် တံပိုးခရာမှုတ်သောအခါ ရုတ်တရက် ၄င်းတို့သည် သင်္ချိုင်းများမှထွက်၍ မိမိတို့အား ဖန်ဆင်းမွေးမြူ တော်မူသော အရှင်မြတ် ထံ တော်သို့ လျင်မြန်စွာ လာကြပေမည်။ ၄င်းတို့က “သြော်-ငါတို့ အကျိုးနည်းကြလေခြင်း၊ မည်သူသည် ငါတို့အား ငါတို့၏ အိပ်ရာမှထစေ သနည်း” ဟုပြောဆိုညည်းညူကြပေမည်။ ဤသည် “ရဟ်မာန်” အနန္တ ကရုဏာတော်ရှင် ချိန်းချက်ထားတော်မူခဲ့သော် ချိန်းချက်ပင်ဖြစ်သည်။ စင်စစ် ရစူလ်တမန်တော်များသည် မှန်ကန်စွာ ပြောကြားခဲ့ကြပေသည်။

ယင်းတံပိုးခရာမှုတ်ခြင်းမှာ ပြင်းထန်စွာ ဟစ်အော်သံတစ်ခုမျှသာလျှင် ဖြစ်ပေမည်။ ထိုအခါ ရုတ်တရက် ၄င်းတို့အားလုံးသည် ခေါ်ဆောင် လာခြင်းကို ခံကြရပေမည်။ သို့ဖြစ်ရာ ယနေ့သော်လည်း မည်သူတစ်ဦးတစ်ယောက်မျှ အနည်းငယ်စိုးစိမျှပင် မတရားပြု မူ ခြင်းကို ခံရမည် မဟုတ်ပေ။ ထိုမှတပါး အသင်တို့သည် မိမိတို့ကျင့်မူခဲ့ကြသော အမှု ကိစ္စတို့၏ အစားပေးခြင်းကိုသာလျှင် ခံကြရကုန်အံ့သတည်း။                                  (စူရာယာစင် ၃၆း၅၁-၅၄)

ထိုနေ့တွင် လူတွေမတွေးလို၊ သဘောမပေါက်လိုကြသဖြင့် ရှောင်ခွာနေခဲ့ကြသည့် အရာများကို အထင်းသား ချပြ၊ ခင်းပြထား လိမ့်မည်။ သူတို့သည် မည်သို့မျှ ထပ်မံငြင်းဆိုနိုင်ခြင်း ရှောင်ကွင်းနိုင်ခြင်းရှိတော့မည် မဟုတ်ပေ။ထိုသူတို့၏ မျက်နှာသည် အရှက်တကွဲအကျိုးနည်းခြင်းဖြင့် ပြည့်လျက် ဦးခေါင်းသည်လည်း ငိုက်စိုက်ဖြင့် သင်္ချိုင်းများမှ ထလာကြကာ လာရောက် စုဝေးကြ လိမ့် မည်။ ကမ္ဘာမြေပြင်သည်လည်း လင်းထင်းနေ၍ တစ်ဦးစီကို သူတို့ဆောင်ရွက်ချက်များကို မှတ်သားထားသည့် စာအုပ်တစ်အုပ် စီပေး ထား လိမ့်မည်။

ကမ္ဘာပေါ်တွင် မမြင်စဖူး များပြားလှသော လူအုပ်ကြီးလာရောက်စုဝေးကြရာတွင် ယုံကြည်သူနှင့် မယုံကြည် သူတို့၏ အခြေအနေ တို့သည်လည်း ကွဲပြားခြားနားကြလိမ့်မည်။ ကုရ်အာန်ကျမ်းမြတ်တွင် အောက်ပါအတိုင်း ဖော်ပြ ထားပေသည်။သို့ရာတွင် မိမိလက်ဝဲလက် ၌ မိမိမှတ်တမ်းစာအုပ်ပေးခြင်းခံရသောသူမှာမူကား ဤသို့ ပြောဆိုပေမည်။ သြော်-ငါသည် မိမိလက်သို့ မှတ်တမ်းစာအုပ်ပေးခြင်း မခံခဲ့ရ လျှင် ကောင်းလေစွ။ မိမိစာရင်းအင်းတို့ကိုလည်း မသိခဲ့ လျှင် ကောင်းလေစွ။ “မရဏ” သေခြင်းတရားသည် လုံးဝအပြီးအပြတ် စီရင်ခဲ့ လျှင် ကောင်းလေစွ။ ငါ၏ပစ္စည်းဥစ္စာ သည် ငါ၏အဖို့ အသုံးဝင်ခဲ့သည်မဟုတ်ပြီ။ ငါ၏အစွမ်းသတ္တိ ဂုဏ်ကျက်သရေသည်လည်း ငါ့ထံမှ ပျောက်ပျက်၍ သွားချေပြီ။

(စူရာအလ်ဟက် ၆၉း၂၅-၂၉)

ထိုနေ့တွင် မတရားမှုဟူသည် အဏုမြူမှုန်ခန့်မျှပင် ပြုခြင်းရှိမည်မဟုတ်ချေ။ ဤကမ္ဘာမြေကြီးတွင် ပြန်လည် နောင်တရကြ စေ ခြင်း ငှာ တစ်ဦးချင်းလုပ်ဆောင်ခဲ့သမျှအတွက် အပြည့်အ၀ပြန်လည်ပေးအပ်မည်ဖြစ်၏။ မယုံကြည်သူ တို့အတွက်မူဒုက္ခဆင်းရဲခြင်းကြီး စွာ သော နေ့  ဖြစ်လိမ့်မည်။ ဤနေ့သည်ပင် ထိုသူတို့၏အစဉ်အမြဲဘ၀သည် ငရဲဘုံ၌ သာ ရှိတော့မည့်နေ့ဖြစ်ပေ၏။

အောက်ပါအာယတ်တော်များတွင် ထိုကဲ့သို့ အလ္လာဟ်အရှင်မြတ်ကို ငြင်းပယ်၍ အဓိပ္ပါယ်ကင်းမဲ့အချည်းနှီး ဖြစ်သော ရည်ရွယ် ချက် များသို့ ခေါ်ဆောင်သူများအတွက် စာရင်းရှင်းကြရမည့်နေ့လည်းဖြစ်ကြောင်း ရှင်းလင်းထား ပေသည်။

ထိုမှတပါး တံပိုးခရာမှုတ်သောအခါ အလ္လာဟ်အရှင်မြတ် အလိုတော်ရှိတော်မူသောသူမှတပါး မိုးကောင်းကင် များ၌ ရှိကြကုန်သော သူတို့ သည်လည်းကောင်း၊ ပထ၀ီမြေ၌ ရှိကြကုန်သော သူတို့သည်လည်းကောင်း၊ သတိမေ့၍ သွားကြပေမည်။ ထို့နောက်တဖန် ယင်းတံပိုး ကိုမှုတ်ခဲ့ပြန်သော် ၄င်းတို့မှာ ရုတ်တရက် မတ်တပ်ရပ်လျက် ကြည့်နေကြ ပေမည်။

၎င်းပြင် ပထ၀ီမြေပြင်မှာ ၄င်းကိုဖန်ဆင်းတော်မူသော အရှင်မြတ်၏ ရောင်ခြည်တော်ကြောင့် လင်းထိန်၍ သွားပေမည်။ ထို့ပြင် မှတ်တမ်းစာအုပ်များသည်လည်း အဆင်သင့်ထားရှိပြီး ဖြစ်ပေမည်။ ထိုမှတပါး နဗီတမန်တော်တို့ သည်လည်းကောင်း၊ “ရှဟီးဒ်” ဖြစ်သူ တို့သည်လည်းကောင်း၊ ရှေ့တော်မှောက်ရောက်လာကြပေမည်။ ထို့ပြင် ၄င်းတို့ အကြားဝယ် တိကျမှန်ကန်စွာ စီရင်ဆုံးဖြတ်ပြီး ဖြစ်ချေ မည်။ သို့ရာတွင် ၄င်းတို့မှာ အနည်းငယ်စိုးစဉ်းမျှပင် မတရားပြု လုပ်ခြင်းကို ခံကြရမည်မဟုတ်ပေ။

ထိုမှတပါး လူတိုင်းလူတိုင်းသည် မိမိတို့ကျင့်မူပြုလုပ်ခဲ့ကြသည်တို့၏အစားကို အပြည့်အစုံပေးဆပ်ခြင်းကို ခံကြရပေမည်။ အမှန် စင်စစ်သော်ကား ထိုအရှင်မြတ်သည် ၄င်းတို့ပြုလုပ်သမျှတို့ကို အသိတော်မူဆုံးပင် ဖြစ်တော်မူ ပေသတည်း။စင်စစ်သော် ကား “ကာဖိရ်”  သွေဖည်ငြင်းပယ်ခဲ့ကြကုန်သောသူတို့သည် “ဂျဟန္နမ်” ရဲဘုံသို့ အုပ်စုလိုက် မောင်းနှင်ခြင်းခံကြရပေမည်။ နောက်ဆုံးတွင် ၄င်းတို့သည် ယင်း “ဂျဟန္နမ်” ငရဲဘုံသို့ ရောက်ရှိလာကြသောအခါ “ဂျဟန္နမ်” ၏ တံခါးများသည် ဖွင့်ပေးခြင်းကိုခံကြရပေမည်။ ထိုမှတပါး ယင်းငရဲဘုံ ကို စောင့်ကြပ်သူတို့က ၄င်းတို့အား “အသင်တို့ထံ အသင်တို့အနက်မှပင် အကြင် “ရစူလ်” တမန်တော်များသည် အသင်တို့အား ဖန်ဆင်း မွေးမြူတော်မူ သော အရှင်မြတ်၏ အာယတ်တော်များကို ဖတ်ကြားခဲ့ကြလေ၏။ ထိုမှတစ်ပါး အသင်တို့အား ဤနေ့နှင့် အသင်တို့ ဆုံစည်း ကြရမည်ကိုလည်း သတိပေးနှိုးဆော်ကြကုန်၏” ဟု ပြောဆိုကြပေမည်။

ထိုအခါ ၄င်းတို့က ဟုတ်ပေသည် (ဟု ပြန်ဖြေကြပေမည်။) သို့ရာတွင် “ကာဖိရ်” သွေဖည်ငြင်းပယ်ကြကုန် သောသူတို့အပေါ်၌ ပြစ်ဒဏ်အမိန့်တော်သည် အတည်ဖြစ်ခဲ့ချေပြီ” ဟု ပြောဆိုပြန်ကြားခဲ့ကြပေမည်။အသင်တို့သည် “ဂျဟန္နမ်ငရဲဘုံ၏ တံခါးများအတွင်းသို့ အမြဲထာဝစဉ်နေထိုင်ကြမည့်သူများအဖြစ် ၀င်ရောက် ကြလေကုန်” ဟူ၍ ပြောဆိုခြင်းကို ခံကြရပေမည်။ စင်စစ်မှာကား မာန်မာနထောင် လွှားကြကုန်သောသူတို့၏ နေထိုင် ရာဌာနသည် လွန်စွာဆိုးရွားလှပေသတည်း။

(စူရာ အဇ်ဇူမရ် ၃၉း၆၈-၇၂)

 

အောက်ပါ တော်ဝင်မြန်မာဝပ်ဆိုဒ် ( link ) ကိုနှိပ်၍လည်း ဘာသာရေးစာများကိုလေ့လာဖတ်ရှုနိုင်ပါသည်။

 

http://tawwinmyanmar.multiply.com/

Advertisements

About puresunni

I like this site.
This entry was posted in Untags. Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s